బెజవాడ రాజ్య యువరాణికి ప్రియపాత్రమైన చాకలామె ఉండేది. యువరాణికి అన్ని విధాలుగా సేవలు చేయటమే కాకుండా ఆమెకు లోకంలోని అనేక విషయాలు చెప్తూ ఎప్పుడూ నవ్విస్తూ నవ్వుతూ ఉండేది. యువరాణి చాకలామెను ఒక సేవకురాలుగా కాకుండా ఒక స్నేహితురాలుగా చూసేది.
ఒకసారి చాకలామె పనిచేయటానికి రాజుభవనానికి వచ్చింది. వచ్చీ రావటంతోనే యువరాణిని చూసి ఏడ్పు మొదలు పెట్టింది. ఎప్పుడూ నవ్వుతూ నవ్విస్తూ ఉండే చాకలామె ఏడ్వటం చూడని రాజకుమారికి బాధ కల్గింది. ఆమె కూడా ఏడ్వసాగింది. యువరాణి ఏడ్వటం చూసిన మహారాజు కూడా ఏడ్చాడు. రాజుగారు ఏడ్వటంతో మహామంత్రి, ఆయన్ని చూసి మంత్రులు, వారిని చూసి సేవకులు, అలా భటులు వారిని చూసిన ప్రజలు ఇలా అందరూ ఏడ్వసాగారు.
పొరుగుదేశం నుంచి వ్యాపార నిమిత్తం బెజవాడ దేశానికి ఒక వర్తకుడు వచ్చాడు. అతనికి దేశంలో ప్రజలందరూ ఏడుస్తూ కన్పించారు. ఎవ రు చూసిన ఏడుస్తూ కన్పించటంతో అతనికి ఆశ్చర్యం కలిగింది. ‘అసలు ఏం జరిగి ఉంటుంది?’ అనుకొని ఆరా తీసాడు ఆ వ్యాపారస్తుడు. ఆ రాజ్యంలోని ‘ఒక సామాన్యుడిని ఎందుకు ఏడుస్తున్నావు?’ అని అడిగాడు.
‘‘ మా రాజ్యంలోని సేవకులను చూసి..’’ అన్నాడు. సేవకుల్ని అడిగితే వారు మా రాజ్యంలో భటులు ఏడ్వటం చూసి అని అన్నారు. భటులను అడిగాడు. భటులు మా సేనాని చూసి అన్నారు. సేనానిని అడిగితే అతను మా మంత్రులను చూసి అన్నాడు.... ఈ విధంగా అతను అందరినీ అడుగుతూ చివరకు యువరాణి దగ్గరకు చేరాడా వర్తకుడు. ‘‘తమరు ఎందుకు ఏడుస్తూన్నారు?’’ అని అడిగాడు. చాకలామె ఏడ్వటం చూసి ఏడ్చినట్లు యువరాణి చెప్పింది.
దాంతో వర్తకుడు చాకలామె దగ్గరకు వచ్చి ‘‘ఎందుకు ఏడుస్తున్నావు?’’ అని అడిగాడు. అప్పుడు ఆమె ‘‘మా మల్లేశం ఇకలేడు. పోయాడు’’ అంటూ ఏడ్పు మొదలు పెట్టింది.
‘‘మల్లేశం అంటే మీ భర్తా?’’ అని అడిగితే, ‘‘కాదు. మా గాడిద!’’ అని సమాధానం చెప్పింది. చాకలామె చెప్పిన సమాధానం విన్న వర్తకుడికి నవ్వాలో ఏడ్వాలో తెలియలేదు. ‘గాడిద కోసం రాజ్యంలో ప్రజలందరూ ఏడ్వటం నిజంగా విడ్డూరమే!’ అనుకున్నాడు వ్యాపారి.
ఒకసారి చాకలామె పనిచేయటానికి రాజుభవనానికి వచ్చింది. వచ్చీ రావటంతోనే యువరాణిని చూసి ఏడ్పు మొదలు పెట్టింది. ఎప్పుడూ నవ్వుతూ నవ్విస్తూ ఉండే చాకలామె ఏడ్వటం చూడని రాజకుమారికి బాధ కల్గింది. ఆమె కూడా ఏడ్వసాగింది. యువరాణి ఏడ్వటం చూసిన మహారాజు కూడా ఏడ్చాడు. రాజుగారు ఏడ్వటంతో మహామంత్రి, ఆయన్ని చూసి మంత్రులు, వారిని చూసి సేవకులు, అలా భటులు వారిని చూసిన ప్రజలు ఇలా అందరూ ఏడ్వసాగారు.
పొరుగుదేశం నుంచి వ్యాపార నిమిత్తం బెజవాడ దేశానికి ఒక వర్తకుడు వచ్చాడు. అతనికి దేశంలో ప్రజలందరూ ఏడుస్తూ కన్పించారు. ఎవ రు చూసిన ఏడుస్తూ కన్పించటంతో అతనికి ఆశ్చర్యం కలిగింది. ‘అసలు ఏం జరిగి ఉంటుంది?’ అనుకొని ఆరా తీసాడు ఆ వ్యాపారస్తుడు. ఆ రాజ్యంలోని ‘ఒక సామాన్యుడిని ఎందుకు ఏడుస్తున్నావు?’ అని అడిగాడు.
‘‘ మా రాజ్యంలోని సేవకులను చూసి..’’ అన్నాడు. సేవకుల్ని అడిగితే వారు మా రాజ్యంలో భటులు ఏడ్వటం చూసి అని అన్నారు. భటులను అడిగాడు. భటులు మా సేనాని చూసి అన్నారు. సేనానిని అడిగితే అతను మా మంత్రులను చూసి అన్నాడు.... ఈ విధంగా అతను అందరినీ అడుగుతూ చివరకు యువరాణి దగ్గరకు చేరాడా వర్తకుడు. ‘‘తమరు ఎందుకు ఏడుస్తూన్నారు?’’ అని అడిగాడు. చాకలామె ఏడ్వటం చూసి ఏడ్చినట్లు యువరాణి చెప్పింది.
దాంతో వర్తకుడు చాకలామె దగ్గరకు వచ్చి ‘‘ఎందుకు ఏడుస్తున్నావు?’’ అని అడిగాడు. అప్పుడు ఆమె ‘‘మా మల్లేశం ఇకలేడు. పోయాడు’’ అంటూ ఏడ్పు మొదలు పెట్టింది.
‘‘మల్లేశం అంటే మీ భర్తా?’’ అని అడిగితే, ‘‘కాదు. మా గాడిద!’’ అని సమాధానం చెప్పింది. చాకలామె చెప్పిన సమాధానం విన్న వర్తకుడికి నవ్వాలో ఏడ్వాలో తెలియలేదు. ‘గాడిద కోసం రాజ్యంలో ప్రజలందరూ ఏడ్వటం నిజంగా విడ్డూరమే!’ అనుకున్నాడు వ్యాపారి.
No comments:
Post a Comment